Barcelona ka shprehur interesim për sulmuesin e krahut të Real Sociedadit, Adnan Januzajn kanë raportuar të hënën mediumet spanjolle.

Barça po e monitoron nga afër situatën e Januzajt te Sociedadi, pasi futbollisti ende nuk e ka vazhduar kontratën që i skadon në fund të këtij edicioni.

Te Barcelona po synojnë ta transferojnë Januzajn në fund të këtij edicioni si lojtar të lirë dhe 26-vjeçari po pëlqehet nga trajneri Xavi Hernandez.

Januzaj këtë sezon ka dy gola e po aq asistime në 21 ndeshje në të gjitha garat me Sociedadin, ekip të cilit iu bashkua në vitin 2017. Ai gjithashtu, karrierë ka bërë edhe te Manchester Unitedi, Sunderlandi e Borussia Dortmundi.