1 perditesime
15:27

Llapi dhe Gjilani i ndajnë pikët

Llapi dhe Gjilani kanë luajtur baras 0:0, në derbin e javës së 16-të të Superligës së Kosovës në futboll.

Dueli i zhvilluar të dielën në Merdarë të Podujevës, është karakterizuar me lojë të kujdesshme nga të dyja ekipet. Terreni i papërshtatshëm, ka bërë që të ketë pak raste shënimi.

Ky ishte barazimi i katërt këtë edicion për Llapin dhe i pari pas katër fitoreve rresht. Me 25 pikë, llapjanët renditen në vendin e tretë.

Ndërkaq, Gjilani regjistroi barazimin e tetë në këtë kampionat. Ky barazim e ka zbritur Gjilanin në vendin e dytë me 29 pikë.

14:19

Derbi nuk jep gola në pjesën e parë

Llapi e Gjilani po përballen në Merdarë në derbin e xhiros së 16-të të Superligës së Kosovës në futboll. Ndonëse loja ishte e hapur, nuk janë shënuar gola në pjesën e parë të takimit.

Dy skuadrat e kreut të tabelës po luajnë në fushën e keqe në stadiumin në Merdarë që jep pak mundësi për futboll të bukur.