1 perditesime
21:07

Basketboll, Kosova humb nga Norvegjia e kthyer pas 20 vjetësh në kualifikime

Përfaqësuesja e Kosovës në basketboll i ka nisur me humbje parakualifikimet për Eurobasket 2025. Të enjten mbrëma, Kosova pësoi në udhëtim nga Norvegjia me shifrat 86:77. Norvegjia pas 20 vjetësh është kthyer në kualifikime evropiane, por ka shfaqur më shumë se Kosova në Bergen.

Fundi i ndeshjes ishte dramatik, por norvegjezët kanë mbajtur epërsinë që e kishin thuajse gjatë tërë kohës. Kosova u afrua në pesë pikë (79:74), por jo edhe më pranë.

Erjon Kastrati ishte më i miri te Kosova me 16 pikë e pesë kërcime. Muhamedali Janjeva kontribuoi me 16 pikë e tri kërcime. Kapiteni Dardan Berisha ndeshjen e mbylli me 18 pikë, shtatë kërcime e katër asistime.

Te Norvegjia u dallua Chris-Ebou Ndow me 21 pikë e tetë kërcime.

Kosova të dielën e pret Danimarkën në Prishtinë.

19:50

Basketboll, Kosova po pëson nga Norvegjia pas pjesës së parë

Përfaqësuesja e Kosovës në basketboll po pëson humbje në ndeshjen ndaj Norvegjisë, që po luhet në Bergen. Pas pjesës së parë rezultati është 42:33 në të mirë të Norvegjisë.

Çerekun e parë Kosova e fitoi me shifrat 22:17, por në të dytin më të mirë ishin norvegjezët që fituan me 25:11.

Norvegjia është kthyer në kualifikime pas 20 vjetësh.

Ndeshja Norvegji – Kosovë i takon raundit të parë të parakualifikimeve për Eurobasket 2025.