Futbollistet e Kosovës e kanë shënuar fitoren e parë në kualifikimet për Botërorin 2023.
Të martën në Jerevan, Kosova fitoi 1:0 ndaj Armenisë. Kosova e kishte një pikë nga tri takimet e para, ndërsa tani i ka katër pikë, sa edhe Shqipëria që luan sonte ndaj Polonisë.
Kosova e ka dominuar ndeshjen ndaj Armenisë, që pësoi humbjen e katërt në këto kualifikime. Ishte mbrojtësja e qendrës, Liridona Syla që shënoi golin e vetëm. Ajo realizoi me goditje me kokë, në minutën e 87-të. Nga këndi krosoi Donjeta Halilaj, ndërsa Syla u shkëput më së larti dhe goditi fuqishëm. Kosova ka pasur shumë raste, por ka realizuar vetëm njëherë.
16:49
Mbyllet pa gola pjesa e parë mes Kosovës e Armenisë
Futbollistet e Kosovës nuk kanë shënuar gol gjatë pjesës së parë ndaj Armenisë, ndeshje kjo që pas 45 minutave është mbyllur me portat e paprekura.
Kjo ndeshje që po zhvillohet në Armeni, i takon kualifikimeve për Kampionatin Botëror të vitit 2023.
Për Kosovën, kjo është ndeshja e dytë që e luan këtë muaj në kuadër të Grupit F kualifikues, pasi javën e kaluar pësoi humbje të thellë nga Belgjika me rezultatin 7:0.
