I vjen fundi serisë së jashtëzakonshme të Lewandowskit
Sulmuesi i Bayernit, Robert Lewandowski nuk ia doli të shënojë në fitoren 3:1 ndaj Greuther Fuerthit, të premten mbrëma. Kështu i erdhi fundi serisë së ndeshjeve të Lewandowskit me gola të shënuar.
Ai kishte shënuar gola në 15 ndeshjet e kaluara në Bundesligën gjermane.
Sulmuesi polak ishte një ndeshje larg barazimit të rekordit të legjendës Gerd Mueller.
Muelleri kishte shënuar në 16 ndeshje rresht për Bayernin në kampionatin gjerman.
Gjatë serisë prej 15 ndeshjeve, Lewandowski ka shënuar plot 24 gola.
