Sport

Milani synon ta thellojë krizën e Juventusit

 

Xhiroja e katërt në Serie A, do të sjellë derbin e madh italian ndërmjet Juventusit dhe Milanit. Të dielën mbrëma në Torino, “Zonja e Vjetër” do të kërkojë këndelljen në kampionat përballë “Rossonerëve” që po kalojnë në një formë fantastike në fillim të këtij sezoni.

Juventusi në këtë takim futet pas fitores në Ligën e Kampionëve ndaj Malmos derisa Milani u mposht nga Liverpooli. Pas tri xhirove në Serie A, Juventusi nuk ka marrë ende pikë të plota duke pësuar dy humbje dhe një barazim. Skuadra që udhëhiqet nga trajneri, Massimilano Allegri ka pasur një start të dobët në Serie A dhe synon të gjejë fitoren e parë përballë Milanit që është në formë të lartë. “Kuqezinjtë” pas tri ndeshjeve kanë tri fitore duke grumbulluar nëntë pikë. Milanit në këtë takim, do t’i mungojë sulmuesi Zlatan Ibrahimoviq.