Sport

Norwichi konfirmon se Rashica do t’i mungojë Kosovës në ndeshjen në Gjeorgji

Foto: Driton Paçarada/ Koha Ditore
 

Klubi i Premier Leagues së Anglisë, Norwich City, e ka konfirmuar se Milot Rashica do t’i mungojë përfaqësueses së Kosovës në ndeshjen eliminatore për Botërorin 2022, që e luan më 2 shtator në udhëtim kundër Gjeorgjisë, për faktin se Gjeorgjia është në listën e kuqe të Britanisë së Madhe, si shtet me rrezik të lartë shkaku i COVID-19.

Por, siç ka bërë të ditur Norwichi, Rashica do të jetë në dispozicion për të luajtur në ndeshjen e 5 shtatorit kundër Greqisë, dhe atë kundër Spanjës më 8 shtator.