Portieri i Portugalisë, Rui Patricio, ka nënshkruar kontratë 3-vjeçare me klubin nga Serie A, Roma.
Ai te Roma është transferuar nga Wolverhamptoni, ka njoftuar ekipi italian të mërkurën. Patricio 33-vjeçar bëhet transferimi i parë i trajnerit të ri të Romës, Jose Mourinho.
Portieri me Romën ka firmosur kontratë deri në vitin 2024 kurse për transferimin e tij, ekipi italian ka paguar 11.5 milionë euro dëmshpërblim.
“Roma është një klub i madh dhe një sfidë e re për mua. Unë jam i ngazëllyer dhe do të përpiqem ta ndihmoj klubin të arrijë synimet që ka”, ka thënë Patricio.
