Sport

Simeone mbetet në krye të Atleticos deri në vitin 2024

Foto: Reuters

Diego Simeone e ka rinovuar kontratën dhe do të mbetet trajner i Atletico Madridit deri në verën e vitit 2024’, ka njoftuar klubi nga La Liga.

Simeone është në krye të Atleticos prej vitit 2011 dhe periudha e tij te ekipi spanjoll ka qenë shumë e suksesshme.

Ai i ka fituar tetë trofe me Atleticon, përfshirë këtu dy tituj kampioni të La Ligas dhe dy trofe të Ligës së Evropës. Gjithashtu, nën drejtimin e Simeones, Atletico ka arritur dy herë edhe në finalen e Ligës së Kampionëve, por që është mposhtu nga Real Madridi.