Përfaqësuesja U19 e Kosovës në futboll ka shënuar fitore ndaj Shqipërisë U19 në ndeshje miqësore. Të mërkurën në Elbasan, të rinjtë e Kosovës fituan 1:0. Golin e shënoi kapiteni Lonard Shala, nga penalltia në pjesën e dytë.
Sipas njoftimit të FFK-së, paraqitja e lojtarëve të Kosovës ishte e mirë dhe ajo u shpërblye me fitore.
Kosova e Shqipëria takohen edhe të premten. Janë ndeshje përgatitore për eliminatoret që zhvillohen në tetor. Kosova U19 është grumbulluar pas një kohe të gjatë.
