Ekipi nga La Liga, Atletico Madridi është futur në garë për shërbimet e mesfushorit të Udineses, argjentinasit Rodrigo de Paul, ka njoftuar të mërkurën sajti italian “Calciomercato”.
Bëhet e ditur se trajneri i Atleticos, Diego Simeone po insiston në transferimin e De Paulit gjatë kësaj vere pasi e sheh si përforcim të duhur për mesfushën në sezonin e ri.
Madje, klubi spanjoll është i gatshëm të ofrojë rreth 40 milionë euro për ta bindur Udinesen në lirimin e De Paulit, i cili po kërkohet edhe nga Interi, Milani, Juventusi e Leeds Unitedi.
De Paul është kapiten i Udineses dhe ka kontratë me këtë ekip deri në verën e vitit 2024.
Këtë edicion, 26-vjeçari ka shënuar nëntë gola dhe ka bërë 11 asistime në 36 paraqitje në të gjitha garat.
-
12 maj 2021 11:33
-
Shpërndaje në: