Sport

Paralajmërohet krijimi i Ligës Ballkanike në futboll

Paralajmërohet krijimi i Ligës Ballkanike në futboll
 

Ideja për një ligë të fuqishme regjionale të futbollit aktualizohet herë pas here. Por, një ligë me skuadrat më të fuqishme të regjionit të Ballkanit, deri më tani ka mbetur vetëm ide dhe nuk është bërë ndonjë veprim për ta konkretizuar atë.

Megjithatë, zhvillimet e fundit në futbollin ndërkombëtar mund ta ndryshojnë gjendjen. Bota e futbollit është ndarë pas vendimit të 12 klubeve të mëdha evropiane për të krijuar Superligën Evropiane. Superliga planifikohet të startojë “sa më shpejt që të jetë e mundur”, ndërkohë kundërshtimet nga pjesa tjetër e komunitetit të futbollit janë të fuqishme. Konfederata Evropiane e Futbollit (UEFA) po e udhëheq luftën për të mos lejuar krijimin e Superligës Evropiane.