Sport

Kuvendi i qetë i FFK-së mbyllet me duartrokitje të kuvendarëve

Kuvendi i qetë i FFK-së mbyllet me duartrokitje të kuvendarëve

Akuza të shumta ishin bërë për drejtuesit aktualë të Federatës së Futbollit të Kosovës. Të tilla nuk pati në Kuvendin e Punës, të mbajtur të enjten. Përfaqësuesit e klubeve janë marrë me gjëra më të vogla dhe kanë miratuar pa vërejtje raportet që u janë paraqitur. FFK-ja ka prezantuar buxhetin vjetor prej afro 12 milionë eurove. Ndërtimi i 100 fushave ndihmëse dhe rritja e kapacitetit të stadiumit “Fadil Vokrri” janë ndër planet për të ardhmen

 

Akuza të shumta ishin bërë për drejtuesit aktualë të Federatës së Futbollit të Kosovës. Të tilla nuk pati në Kuvendin e Punës, të mbajtur të enjten. Përfaqësuesit e klubeve janë marrë me gjëra më të vogla dhe kanë miratuar pa vërejtje raportet që u janë paraqitur. FFK-ja ka prezantuar buxhetin vjetor prej afro 12 milionë eurove. Ndërtimi i 100 fushave ndihmëse dhe rritja e kapacitetit të stadiumit “Fadil Vokrri” janë ndër planet për të ardhmen

Drejtues të klubeve të futbollit në vend kanë akuzuar rëndë krerët e Federatës së Futbollit të Kosovës gjatë vitit të kaluar. Akuzat ishin nga më të ndryshmet. Por, të enjten, në Kuvendin e Rregullt të Punës për vitin 2020, të mbajtur në formatin “online”, shkaku i masave të fundit të Qeverisë në luftën kundër koronavirusit, delegatët zgjodhën heshtjen dhe pajtimin. Kuvendi vlerësohet “platforma” e duhur për të shprehur vërejtjet e pakënaqësitë.

Raporti financiar i paraqitur në pika të shkurtra, u miratua pa asnjë votë kundër, sikurse të gjitha pikat e tjera të rendit të ditës.