Sport

Largimi i Paqaradës konfirmon telashet e shumta te Kosova

Largimi i Paqaradës konfirmon telashet e shumta te Kosova
 

Besart Berisha kishte shpërthyer duke akuzuar rëndë ish-përzgjedhësin e Kosovës, Albert Bunjaki. Madje e kishte vënë në dyshim edhe profesionalizimin e Bunjakit. Ngjashëm reagim të dielën ka pasur edhe Leart Paqarada. Paqarada ka njoftuar se nuk do të luajë më për Përfaqësuesen për aq kohë sa selektor është zvicerani Bernard Challandes. Në kampin e Përfaqësueses kanë zgjedhur heshtjen, derisa numri i lojtarëve të pakënaqur është goxha i madh

Paraqitja e futbollistëve të Kosovës përballë atyre të Spanjës në ndeshjen kualifikues për kampionatin botëror “Katari 2022”, që u luajt më 31 mars, u vlerësua lart. Nga kampi i Kosovës, por edhe nga Federata e Futbollit e Kosovës lojtarët morën duartrokitje.

Por ende pa kaluar një javë nga ndeshja “e madhe”, Kosova mbetet pa një prej pretenduesve për t’u inkuadruar në krahun e djathtë të mbrojtjes. Është Leart Paqarada që të dielën nëpërmjet një njoftimi në rrjetet sociale ka njoftuar se nuk do të luajë më për Përfaqësuesen për aq kohë sa selektor është zvicerani Bernard Challandes.