Sport

Tuchel, ish-banakieri që refuzoi Bayernin dhe që mund të marrë drejtimin e Chelseat

Tuchel, ish-banakieri që refuzoi Bayernin dhe që mund të marrë drejtimin e Chelseat
Foto: AP
 

Thomas Tuchel është një njeri me shumë vëzhgues përreth tij, por kurrë nuk do ta kishit imagjinuar se ish-shefi i Paris Saint Germainit, do të donte ta shihte veten si model i ardhshëm i Gjermanisë. Shënjestra e Chelseat, i cili po pret ofertën nëse shkarkohet Frank Lampard, dikur pozoi për një agjenci mode në New York, për revistën e meshkujve “Die Zeit”.

Tuchel 47 vjeç, kishte një rol si banakier kur u detyrua të tërhiqej nga futbolli në moshën 24-vjeçare por ai e pranon se puna në kafene e ndihmoi të bëhej një person më i sigurt. Tekniku gjerman është gjithashtu një nga të rrallët në mesin e menaxherëve të futbollit që mbajnë një diplomë. Krahas punës si banakier në “Radio Bar” të Stuttgartit, Tuchel arriti të diplomohet në Universitet për Administrim Biznesi. Profesionet e ndryshme të Tuchelit përshkruajnë jo vetëm një personalitet interesant, por një personalitet që do të ndriçojë Premier Leaguen nëse angazhohet nga Chelsea, duke pasur parasysh se Lampard është pranë shkarkimit. Tuchel aktualisht është i papunë pasi javë më parë u shkarkua nga skuadra e PSG-s.