Mesfushori i Përfaqësueses së Kosovës, Valon Berisha do t'i mungojë skuadrës së Reimsit edhe për ndeshjen kundër Lillet. Bëhet e ditur se Berisha ende nuk është rikuperuar plotësisht nga lëndimi dhe nuk do të jetë në dispozicion të trajnerit David Guion për ndeshjen e dytë rresht.
Mesfushori i mungoi Reimsit edhe vikendin e shkuar kundër Saint-Etiennet. Dueli mes Lillet dhe Reimsit zhvillohet të dielën prej orës 17:00. Berisha këtë edicion ka një gol e dy asistime në 18 paraqitje për Reimsin në të gjitha garat kurse pjesë e këtij ekipi është edhe reprezentuesi tjetër i Kosovës, Arbër Zeneli. Pas 19 ndeshje të luajtura këtë sezon në Ligue 1, Reimsi zë vendin e 14 në tabelë me 21 pikë të mbledhura.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo