Sport

Tre vjet më parë FBK-ja e kishte suspenduar, tani Drilon Hajrizi “gradohet” në kapiten

Tre vjet më parë FBK-ja e kishte suspenduar, tani Drilon Hajrizi “gradohet” në kapiten

Shumë lavde i ka thurur Federata e Basketbollit e Kosovës të dielën basketbollistit Drilon Hajrizi. Ka më shumë se një dekadë që Hajrizi është prej basketbollistëve më të mirë në vend. Të dielën i është bërë nderi më i madh i mundshëm – është zgjedhur kapiten i Përfaqësueses së Kosovës në basketboll. Vetë Hajrizi ka thënë se asnjëherë nuk ka qenë më krenar.

Respekti që tani FBK-ja ka për Hajrizin është në kontrast me raportin që drejtues të Federatës kishin ndaj tij tre vjet më parë. Ai ishte suspenduar fillimisht e më pas edhe ishte ndalur ushtrimi i aktivitetit në basketboll për gjashtë muaj.