Sport

Pas shënimit në Gjermani, Muslija shpreson të luajë më shumë te Kosova

Pas shënimit në Gjermani, Muslija shpreson të luajë më shumë te Kosova

Florent Muslija e kishte vlerësuar si momentin më të mirë debutimin te Përfaqësuesja e Kosovës në futboll. Më 7 shtator të vitit të kaluar, Muslija, futbollist i Hannoverit në Gjermani, debutoi në fitoren e Kosovës ndaj Republikës Çeke, 2:1, në Prishtinë. Ishte takim i rëndësishëm për kualifikim në Kampionatin Evropian, që është shtyrë për vitin tjetër, dhe Muslija luajti 34 minuta.

“Jam shumë i gëzuar për debutimin tim. Kemi dhënë maksimumin sot. Është ndeshja ime e parë, është moment që kurrë nuk do ta harroj”, kishte thënë Muslija pas fitores në stadiumin “Fadil Vokrri” në Prishtinë, transmeton KOHA.