Skuadra e Manchester Unitedit ka shprehur interesim për shërbimet e qendërmbrojtësit të RB Leipzig, Dayot Upamecano, kanë raportuar të mërkurën mediumet angleze.

Upamecano pëlqehet shumë nga trajneri i Manchesterit, Ole Gunnar Solskjaer që e sheh si përforcim të duhur për repartin e mbrojtjes. Raportohet se skuadra angleze po përgatit një ofertë për transferimin e francezit gjatë miniafait kalimtar të janarit.

Manchesteri është i gatshëm të paguajë 60 milionë euro dëmshpërblim për transferimin e 22-vjeçarit.

Upamecano ka kontratë me ekipin gjerman deri në vitin 2023, kurse këtë edicion ka regjistruar shtatë paraqitje dhe ka shënuar një gol në të gjitha garat.

Te RB Leipzigu është transferuar nga Salzburgu në janar të vitit 2017. Ka edhe tri ndeshje me Francën.