Futbollistja Kosovare Asllani do të paraqitet edhe në një kampionat evropian. Suedia, për të cilën luan Asllani, të martën mbrëma siguroi kualifikimin në “Euro 2021”. Suedia në Gothenburg fitoi 2:1 ndaj Islandës, rivales së grupit për kualifikim. Asllani e kompletoi ndeshjen, ndërsa asistoi në golin e dytë të shënuar nga Olivia Schough.
Sulmuesja e Real Madridit është prej lojtareve më të mira të Suedisë. Ajo i ka plot 143 ndeshje për Suedinë. 31-vjeçarja ka realizuar 37 gola për përfaqësuese. Shifrës prej 143 ndeshjeve nuk i afrohet asnjë futbollist shqiptarë. Ajo ka edhe katër ndeshje për U-23 të Suedisë, 15 për U-19 të Suedisë dhe gjashtë për U-17 të Suedisë. Suedia është e para në grupin F me 19 pikë nga shtatë ndeshje. Islanda është e dyta me 13 pikë nga gjashtë ndeshje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë rrugë të mirë për kualifikim në Euro 2021 është edhe Zvicra. Zvicra prinë në grupin H me 19 pikë nga shtatë ndeshje. Belgjika është e dyta me 18 pikë nga shtatë ndeshje. Zvicra të martën fitoi 2:1 në udhëtim ndaj Rumanisë. Riola Xhemaili luajti prej minutës së 85-të për Zvicrën. Ajo vlerësohet prej lojtareve më të talentuara të këtij vendi.