Kapiteni Hugo Lloris pritet së shpejti ta rinovojë kontratën me Tottenhamin, e cila do ta mbajë tek ekipi anglez të paktën deri në vitin 2023.
Mediumet angleze kanë raportuar të mërkurën se Tottenhami tashmë ka nisur negociatat me Llorisin për vazhdimin e kontratës, që i skadon në fund të këtij edicioni. Marrëveshja mes palëve pothuajse është arritur dhe gjithçka do të bëhet zyrtare brenda këtij muaji.
Portieri francez këtë edicion ka shtatë paraqitje në të gjitha garat për Tottenhamin, ekip të cilit iu bashkua para tetë vjetësh nga Lyoni. 33-vjeçari është kapiten edhe te Përfaqësuesja e Francës, për të cilën ka 117 paraqitje.
