Sport

Avdijaj synon që një ditë të kthehet te Schalke

Avdijaj synon që një ditë të kthehet te Schalke

Sulmuesi kosovar, Donis Avdijaj, ka disa muaj që është pa klub dhe ende nuk ka vendosur se ku do të luajë në edicionin 2020/21. Aktualisht karriera e njërit prej lojtarëve që para disa vjetësh kishte tërhequr vëmendje të madhe ka pësuar një rënie drastike. 24-vjeçari po përpiqet që sërish të kthehet dhe po punon maksimalisht në këtë aspekt.

Megjithatë, edhe nëse rikthehet Avdijaj këtë duhet ta bëjë nga kategoritë e ulëta të futbollit të Gjermanisë pasi synimi i tij është që të mbetet në këtë vend. Avdijaj fillimisht ishte vlerësuar si njëri prej talenteve të mëdha në Gjermani dhe kjo ishte konfirmuar kur Schalke ia kishte vendosur një klauzolë lirimi në vlerë prej 49 milionë eurosh me vetëm 17 vjet. Ndërsa vlera e tij aktuale është nën një milion euro dhe Avdijaj synon që një ditë të rikthehet te Schalke.