Sport

Enxhi Xhanaj, basketbollistja nga Shqipëria që kërkon trofe edhe në Kosovë

Enxhi Xhanaj, basketbollistja nga Shqipëria që kërkon trofe edhe në Kosovë

Enxhi Xhanaj do të jetë pjesë e basketbollit të femrave në Kosovë edhe për një periudhë të gjatë. Javën e shkuar, skuadra e Prishtinës njoftoi se ka arritur marrëveshje dyvjeçare me basketbollisten nga Shkodra, që vitin e shkuar vendosi të largohet nga basketbolli i Shqipërisë për ta vazhduar karrierën në atë të Kosovës.

Xhanaj në sezonin 2019/20, që u anulua më 31 mars për shkak të përhapjes së koronavirusit, ishte ndër lojtaret më të dalluara te Prishtina, ekip që debutoi në EuroCup Women në kuadër të FIBA-s, shkruan KOHA. Në fakt, ishte pikërisht pjesëmarrja në kupat evropiane ajo që ndikoi në transferimin e Xhanajt te skuadra nga kryeqyteti, që në gjashtë ndeshje të luajtura në kuadër të fazës së grupeve pësoi po aq humbje.