Bayerni ka arritur të sigurojë kualifikimin në finale të Ligës së Kampionëve duke e mposhtur të mërkurën mbrëma klubin francez, Lyon.
Tre me zero ishte rezultati final i përballjes së zhvilluar në Lisbonë, transmeton KOHA.
Paraqitje të jashtëzakonshme në këtë takim pati Serge Gnabry, i cili realizoi dy gola.
Në minutën e 18 të ndeshjes ai shënoi një gol shumë të bukur, pas asistimit nga Kimmich.
Kurse golin e dytë e shënoi në minutën e 33.
E golin e fundit e shënoi sulmuesi polak, Robert Lewandowski dy minuta para përfundimit të kohës së rregullt, pas asistimit nga Kimmich.
Bayerni në finale do të luajë ndaj Paris Saint-Germainit më 23 gusht.
Finalja do të zhvillohet në Estadio da Luz në Lisbonë.
21:35
Liga e Kampionëve: Gnabry shënon sërish
Bayerni ka dyfishuar epërsinë ndaj Lyonit, në gjysmëfinale të Ligës së Kampionëve.
Ishte sërish Serge Gnabry ai që shënoi në këtë takim, transmeton KOHA.
Golin e parë Gnabry e realizoi në minutën e 18, kurse të dytin në minutën 33.
21:21
Bayerni kalon në epërsi ndaj Lyonit
Kampioni i Gjermanisë, Bayern Munchen ka kaluar në epërsi ndaj Lyonit në gjysmëfinale të Ligës së Kampionëve me golin e Serge Gnabryt në minutën e 18-të. Ai shënoi me një goditje të fuqishme nga vija e zonës së 16-metërshit.
21:01
Nis ndeshja e dytë gjysmëfinale e Championsit: Lyon - Bayern
Fiks në orën 21.00 ka nisur ndeshja e dytë gjysmëfinale e Ligës së Kampionëve. Takohen Lyoni dhe Bayerni.
Fituesi i këtij dueli, në finale të Ligës së Kampionëve do të ndeshet me PSG-në, që të martën eliminoi Leipzigun.
Faza finale e Championsit po zhvillohet në Portugali për shkak të pandemisë me koronavirusin.
