Sport

Telashe për Dritën para udhëtimit në Nyon

Telashe për Dritën para udhëtimit në Nyon

Futbollistët e kampionit të Andorrës, Inter d’Escaldes të enjten kanë mbërritur në Nyon të Zvicrës. U testuan, zhvilluan stërvitjen e parë, shëtitën dhe analizuan një lojë të Dritës nëpërmjet një projektori në hotel. Por, ndryshe ishte dita e enjte për futbollistët e kampiones së Kosovës, Dritës, një ditë para nisjes për në Nyon, ku të shtunën do të përballen në gjysmëfinale të turneut preliminar të Ligës së Kampionëve kundër Inter d’Escaldesit.

Futbollistët e Dritës dhe stafi tjetër i ekipit po prisnin me ethe rezultatet e testeve për koronavirus. E njoftimin se të gjithë 32 anëtarët e testuar të mërkurën në mëngjes kanë dalë negativë, e morën në orën 23:00 pas ritestimit të 17 anëtarëve të tjerë, shkruan KOHA Ditore.