Sport

Premtohen përpjekje që krahas fitneseve të riaktivizohen të gjitha sportet

Premtohen përpjekje që krahas fitneseve të riaktivizohen të gjitha sportet

Ministrja e Kulturës , Rinisë dhe Sportit, Vlora Dumoshi takoi sot drejtuesit e fitneseve në Kosovë. Sipas njoftimit për media, ajo priti drejtuesit e Federatës të Bodybuildingut dhe Fitnesit të Kosovës dhe përfaqësuesit e palestrave private sportive të fitneseve të Kosovës, më të cilët diskutoi për shqetësimet e të gjitha klubeve të bodibildingut dhe fitnesit lidhur me ndërprerjen e punës së tyre për shkak të pandemisë.

Ministrja Dumoshi u premtoi atyre që në bashkëpunim me Ministrinë e Shëndetësisë dhe me Institutin Kombëtar të Shëndetësisë Publike të Kosovës (IKSHPK) do të shqyrtojnë mundësinë për riaktivizimin e të gjitha sporteve.