Ballkani e ka shënuar fitoren e parë pas rifillimit të Superligës.
Suharekasit e kanë mposhtur Trepçën ‘89 me rezultat 3:1.
Golin e parë për Ballkanin e ka shënuar Jetmir Topalli në minutën e 18-të, ndërkaq rezultatin e ka barazuar Arb Manaj nga penalltia në minutën e 22-të, raporton KOHA.
Epërsinë e dytë vendasve në këtë përballje ua dha zëvendësuesi Ermal Krasniqi në minutën e 78-të.
Kurse golin e tretë e realizoi me kokë sulmuesi Mirlind Daku që hyri në lojë në pjesën e dytë.
Me 49 pikë, Ballkani është në vendin e tretë, ndërkaq Trepça ‘89 vazhdon të mbetet në vendin e 9-të, pozitë që në fund të kampionatit dërgon në Ligën e Parë.
18:45
Ballkani shënon goli e tretë ndaj Trepçës ‘89
Ballkani ka shënuar edhe golin e tretë në duelin ndaj Trepçës ’89.
Golin e tretë e ka shënuar me kokë Mirlind Daku dhe kështu ka çuar rezultatin në 3:1.
18:40
Ballkani sërish kalon në epërsi ndaj Trepçës ‘89
Ballkani ka kaluar sërish në epërsi në duelin ndaj Trepçës ’89.
Ishte goli i Ermal Krasniqit në minutën e 78-të që ka çuar rezultatin në 2:1.
17:53
Ballkani - Trepça ‘89, mbyllet pjesa e parë në Suharekë
Ka përfunduar pjesa e parë në Suharekë, në ndeshjen Ballkani - Trepça ‘89.
Pas 45 minutave të parë, rezultati është i barabartë 1:1.
Jetmir Topalli shënoi për Ballkanin në minutën e 18-të, ndërkaq rezultatin e barazoi Arb Manaj nga penalltia në minutën e 22-të.
17:29
Trepça ‘89 barazon ndaj Ballkanit
Trepça ’89 ka arritur ta barazojë rezultatin në 1:1 në duelin ndaj Ballkanit.
Arb Manaj ka realizuar nga penalltia në minutën e 22-të.
Për Manajn, ky është goli i 13-të këtë sezon.
Sulmuesi nga Klina është golashënuesi më i mirë në Superligë.
17:23
Ballkani kalon në epërsi ndaj Trepçës ‘89
Ballkani ka kaluar në epërsi në minutën e 18-të ndaj Trepçës ‘89.
Jetmir Topalli ishte ai që ka shënuar gol me kokë pas harkimit të bukur të Ramiz Bytyqit.
17:05
Nisin dy ndeshjet e fundit të xhiros së 25-të të Superligës
Ballkani përballet me Trepçën '89, në kuadër të javës së 25-të të Superligës.
Para pak minutash janë publikuar edhe përbërjet e ekipeve.
Te Ballkani mungojnë kapiteni Visar Berisha dhe sulmuesi i krahut Arbër Hoxha, raporton KOHA.
Kurse te ekipi nga Mitrovica ka disa mungesa, e si rezultat i kësaj, ka 8 ndryshime të mëdha në formacion.
