-
Nga:
Arsim Maxhera
- 11 prill 2020 18:39
- Shpërndaje në:
Federata e Futbollit të Kosovës të premten bëri publike pakon e saj të ndihmës emergjente.
FFK-ja ka thënë se prej buxhetit të saj do të ndihmojë të gjithë të përfshirët në futboll. Klubet e Superligës, për shembull, do të përkrahen për 35 persona me shumën prej 350 euro për secilin person.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoDo të përkrahen edhe klubet e kategorive tjera, arbitrat e delegatët, ndërsa për shkollat e futbollit ndihma do të prezantohet më vonë, raporton Koha.net.
Klubet e futbollit në vend nuk kanë pasur vlerësim të njëjtë për pakon e prezantuar nga FFK-ja. Disa kanë vlerësuar ndihmën e Federatës sportive më të madhe në vend e në disa klube janë të pakënaqur.
I pari që reagoj ishte klubi Llapi.
“Kjo shumë është e papranueshme për klubet e Superligës, duke ditur se tash e tri vjet radhazi nuk na shpërndahen mjetet e solidaritetit të UEFA-s për klube të Superligës dhe Ligës së Parë, shuma e të cilave është 2,4 milionë euro. Shuma e ndarë është sa për sy e faqe”, thuhet në komunikatën e Llapit.
Drejtuesit e Llapit ka kohë që janë opozitë e fortë e drejtuesve të FFK-së. Komunikata e klubit nga Podujeva shkon në këtë drejtim.
Klubi tjetër me peshë në elitën e futbollit kosovar, Trepça ’89 ka thënë se “FFK-ja edhe njëherë luan me ndjenjat e klubeve”. Klubi mitrovicas e ka vlerësuar lojë të pakuptimtë vendimin e FFK-së.
“Ka klube të cilat shpenzimet mujore i kanë enorme, prej 50 mijë deri në 100 mijë euro, ndërsa këta me këto shuma qesharake mundohen të na qesin hi syve. Për Trepçën ’89 është e papranueshme kjo lloj ndihme”, thuhet në komunikatën e 89-shit, që së bashku me Llapin janë në grupin opozitar të drejtuesve aktual të FFK-së. Trepça ’89 vlerëson se FFK-ja ka mjete të mjaftueshme.
Shumë prej klubeve nuk kanë paraqitur qëndrim për pakon emergjente të Federatës, ndërsa një pjesë e tyre kanë përkrahur atë.
KF Gjakova, Dukagjini, Dardana, 2 Korriku publikisht kanë përkrahur vendimin e FFK-së. Pro-vendimit janë deklaruar edhe kryetari i Gjilanit dhe ai KEK-ut e po ashtu disa të përfshirë në futbollin kosovar.
“Kryesia e klubit të futbollit Dukagjini shpreh falënderim të veçantë për kryetarin e FFK-së, Agim Ademi dhe institucionin që ai e udhëheq, për ndihmën e ofruar për klubet në këtë kohë të vështirë. Çmojmë lartë përkushtimin dhe gatishmërinë e tij që edhe tash si çdo herë të jetë pranë lojtarëve dhe klubeve”, thuhet në komunikatën e Dukagjinit të Klinës, klub ky që vazhdimisht ka dalë në përkrahje të drejtuesve të federatës.