Sport

Nëntë notarë hungarezë të infektuar me koronavirus, përfshirë kampionen e botës Kapas

Nëntë notarë hungarezë të infektuar me koronavirus, përfshirë kampionen e botës Kapas

Kampionia e botës në not në stil delfin, Boglarka Kapas është në mesin e nëntë notarëve nga përfaqësuesja e Hungarisë që janë infektuar me koronavirus. Lajmi është konfirmuar nga Federata e Notit të Hungarisë, shkruan agjencia Reuters, transmeton Koha.net.

Dominik Kozma, që fitoi të bronztën në 4x100 metra krol në Botërorin 2017 me stafetën e Hungarisë, po ashtu ka dal pozitiv me virusin vrasës.

“Ne kemi testuar të gjithë në përfaqësuesen e notit, si dhe stafin që punon me ekipin, trajnerët e masazhistët. Rezultatet e dala të martën mbrëma kanë konfirmuar nëntë raste me virus”, është thënë në komunikatë të federatës.