Sport

Lojtarët e Union Berlinit heqin dorë nga paga

Lojtarët e Union Berlinit heqin dorë nga paga

Klubi i Bundesligës gjermane Union Berlin ka njoftuar se lojtarët dhe stafi i skuadrës së parë janë pajtuar të heqin dorë nga paga për të ndihmuar klubin gjatë kësaj krize të shkaktuar nga koronavirusi.

Union Berlini, që po luan në stinorin e parë në Bundesligë, është duke llogaritur humbjet pasi nuk janë luajtur ndeshje në Gjermani që nga 13 marsi shkaku i koronavirusit.

Stinori në Bundesligë nuk po pritet të nisë deri në fillim të majit. Edhe lojtarët në klubet tjera kanë marrë masa të ngjashme, ku ata të Bayern Muenchenit dhe Borussia Dortmundit janë pajtuar për ulje page prej 20 për qind.