Sport

FFK-ja thotë se për shikues vendosin organet shtetërore të Maqedonisë së Veriut

FFK-ja thotë se për shikues vendosin organet shtetërore të Maqedonisë së Veriut

Federata e Futbollit të Kosovës nuk ka ndonjë paralajmërim se ndeshja gjysmëfinale e plejofit për “Euro 2020” mund të luhet në stadium të mbyllur.

Më 26 mars në Shkup takohen Maqedonia e Veriut dhe Kosova, ndërsa të enjten në Federatën e Futbollit të Maqedonisë nuk e kanë përjashtuar mundësinë që ndeshja të luhet pa shikues. Nga frika e përhapjes së koronavirusit, ndeshjet e fundit të futbollit në Maqedoni janë luajtur pa shikues. Kjo masë është në fuqi deri të premten, por pritet të vazhdohet deri më 13 mars. Nëse situata me koronavirusin keqësohet, atëherë ndeshja Maqedoni – Kosovë do të luhet pa shikues.