Mikel Arteta ka caktuar stafin e tij tek Arsenali, me Freddie Ljungbergun të konfirmuar si një nga tre asistentët.
Spanjolli la postin e asistentit të trajnerit te Manchester City javën e shkuar për të pasuar Unai Emeryn te “Topçinjtë”.
Ljungberg, që ishte trajner i përkohshëm për gjashtë ndeshje tek Arsenali, do të mbesë asistent bashkë me Albert Stuivenbergun e Steve Roundin.
Stuivenberg është asistent i Ryan Giggsit te Uellsi dhe do të kombinojë dy postet deri në Kampionatin Evropian. Më parë ka punuar me Louis van Gaalin te Manchester Unitedi.
Roundi ishte pjesë e ekipit të David Moyesit tek Evertoni e Manchester Unitedi. Ai ka punuar edhe për Anglinë.
Inaki Cana Pavon është përzgjedhur trajner i portierëve. Ai i është bashkuar Artetas duke u larguar nga Brentfordi.
© KOHA. Të gjitha të drejtat janë të rezervuara.
