Kartoni i kuq i sulmuesit të Tottenhamit, Son Heung-minit, i marrë pas ndërhyrjes ndaj Andre Gomesit të Evertonit në fundjavë, është shfuqizuar nga Federata e Anglisë.
Në incidentin e së dielës, mesfushori i Evertonit pësoi lëndim të rëndë në këmbë. Gjyqtari Martin Atkinson ndëshkoi fillimisht Sonin me karton të verdhë, para se ta ndryshonte në të kuq.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSulmuesi korean u largua nga fusha për shkak të ndërhyrjes serioze, por komisioni i garave e vlerësoi si largim të gabuar.
Përsëritjet e pamjeve treguan se Gomes pësoi lëndimin pas ndërhyrjes së Sonit dhe para përplasjes me Serge Aurierin.
Duke shpjeguar vendimin e Atkinsonit, Premier Liga kishte thënë se “kartoni i kuq ishte për shkak të rrezikimit të sigurisë së lojtarit, që ndodhi si pasojë e ndërhyrjes së parë”.
Pas takimit, trajneri i Tottenhamit, Mauricio Pochettino, kishte thënë se sistemi VAR do të duhej të përdorej për të hequr kartonin e kuq.
Gomës u operua dhe, të martën, u lirua nga spitali.