Skuadra e Manchester Unitedit i ka bërë me dije Interit se për transferimin e plotë te sulmuesit Alexis Sanchez në fund të këtij edicioni, duhet të paguajë 30 milionë euro dëmshpërblim.

Lajmi është bërë i ditur të hënën nga e përditshmja britanike “Daily Mail”, transmeton “Koha Ditore”. Sanchez ka kontratë me Manchesterin deri në vitin 2022, por në fillim të këtij edicioni u huazua te Interi, ekip që ka të drejtën e blerjes së tij në verën e ardhshme.

Sanchez deri më tani ka një gol dhe një asistim në katër ndeshje për Interin në të gjitha garat.

Kiliani 30-vjeçar, karrierë ka bërë edhe te Arsenali, Barcelona, Udinese, River Plate e Colo Colo.