Sport

Emra të rinj në kombëtare për ndeshjet e rëndësishme

Emra të rinj në kombëtare për ndeshjet e rëndësishme

Lindon Selahi i Twentes dhe Taulant Seferi i Xamaxsit janë ftuar në Kombëtaren e Shqipërisë për dy ndeshjet e rëndësishme të këtij muaji. Kuqezinjtë më 11 tetor luajnë në Stamboll ndaj Turqisë, ndërsa më 14 tetor në Chisinau përballen me Moldavinë.

Të dy ndeshjet u takojnë eliminatoreve për “Euro 2020”. Përzgjedhësi i Shqipërisë, Edy Reja, të dielën ka publikuar listën e lojtarëve në të cilët llogarit në këto dy ndeshje në udhëtim, shkruan sot “Koha Ditore”. Ai ka ftuar 25 futbollistë, ndërsa ka edhe një listë rezervë prej 9 futbollistëve që janë të gatshëm për grumbullim në rast të ndonjë lëndimi. Selahi 20-vjeçar dhe Seferi 22-vjeçar janë risitë në listën e Rejas për këto dy takime.