Derbi ndërmjet Prishtinës dhe Llapit i ka takuar kësaj të fundit.

Mysafirët shënuan fitore prej 0 me 1 në “Fadil Vokrri”, transmeton Koha.net.

Ishte Sebino Plaku ai që shënoi golin e fitores për mysafirët kur po luhej minuta e 30 e takimit.

Me këtë fitore Llapi arrin në kuotën e shtatë pikëve dhe mban vendin e dytë në tabelë. Derisa Prishtina në vendin e dhjetë ka grumbulluar vetëm një pikë.

Llapi në epërsi ndaj Prishtinës, shënon Plaku

Llapi ka kaluar në epërsi ndaj Prishtinës në “Fadil Vokrri”.

Për mysafirët golin e epërsisë e shënoi Sebino Plaku kur po luhej minuta e 30 e takimit.

Ndërpritet për disa minuta ndeshja Prishtina – Llapi, “Plisat” hedhin mjete piroteknike në fushë

Është ndërprerë për disa minuta ndeshja ndërmjet Prishtinës dhe Llapit në “Fadil Vokrri”, kjo pasi tifozët vendas “Plisat” kanë hedhur mjete piroteknike në fushë, raporton KTV.

“Plisat” kanë hedhur këto mjete piroteknike në shenjë proteste ndaj kryesisë së klubit.

E pas 14 minutave lojë, “Plisat” janë larguar nga stadiumi.