Mbrojtësi i ri i Kosovës, Florent Hadërgjonaj, ka thënë se mezi pret që të paraqitet me fanellën e Kosovës në ndeshjet ndaj Malit të Zi e Bullgarisë.
Hadërgjonaj ka ardhur më herët në Kosovë duke thënë se dëshiron të integrohet më lehtë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Me padurim po e pres të filloj stërvitjet me bashkëlojtarët e mi të rinj dhe pa dyshim që kur vjen momenti për t’u paraqitur në ndeshjen e parë do të jetë një ditë e veçantë jo vetëm për mua, por për të gjithë familjen time. Këtu është vendlindja e prindërve të mi dhe unë kam qenë në Kosovë sa herë që më është dhënë mundësia, por tash do të jetë një ndjenjë krejt ndryshe ngase do ta përfaqësojë vendin e origjinës time”, është shprehur Hadërgjonaj në një takim me kryetarin e Federatës së Futbollit të Kosovës, Agim Ademi.
Ademi i ka dhuruar Hadërgjonajt fanellën e Kosovës. Në hyrje të selisë së FFK-së, Hadërgjonaj u prit nga një grup i Dardanëve.
“Jemi të lumtur që e keni zgjedhur Kosovën, tani kur veçse është krijuar një grup jashtëzakonisht i mirë i futbollistëve dhe një atmosferë e shkëlqyeshme në ekipin kombëtar. Ne jemi bërë storie e suksesit jo vetëm tek populli ynë, por edhe në UEFA e FIFA, prandaj sigurisht se do të përjetosh ndjenja të veçanta me këtë fanellë. Janë pikërisht lojërat dhe rezultatet e Kombëtares ato që i kanë dhënë adrenalinë popullit. Ne si FFK jemi duke e përmbushur misionin tonë, pasi po e prezantojmë në mënyrën më të mirë vendin tonë kudo që po paraqitemi dhe për këtë merita kanë të gjithë bashkëlojtarët tuaj”, ka thënë Ademi.
Kosova, duelet e radhës në Eliminatoret për Evropian do t’i zhvillojë në udhëtim te Mali i Zi fillimisht më 7 qershor, dhe tri ditë më pas, udhëton në Bullgari.