KHF Istogu fiton bindshëm finalen e parë ndaj Vushtrrisë

KHF Istogu fiton bindshëm finalen e parë ndaj Vushtrrisë

22 May 2019 20:09

KHF Istogu ka bërë hapin e parë drejt titullit të kampionit të Kosovës në hendboll.

Të mërkurën në palestrën “Karagaçi” në Pejë, Istogu e ka mposhtur Vushtrrinë me rezultat bindës 32:23 në ndeshjen e parë finale të plejofit të Superligës së Kosovës në hendboll (femrat), transmeton Koha.net.

Te fitorja e thellë KHF Istogu arriti falë paraqitjes dukshëm më të mirë në pjesën e dytë. Pjesa e parë ishte shumë e fortë dhe e barabartë.

Skuadrat në pjesën e parë nuk u shkëputën më shumë se një gol në rezultat, ndërsa në epërsi ishin herë njëra e herë skuadra tjetër. Vetëm në fund Istogu shënoi për të fituar pjesën e parë me rezultat 12:11.

Në pjesën e dytë vushtrriaset disi u ndalën dhe lojtaret e Istogut dominuan plotësisht. Kështu arritën te fitorja bindëse me rezultat 32:23.

E. Kameri udhëhoqi Istogun me 8 gola, ndërsa paraqitje të mirë kishte edhe portierja A. Shehdadi dhe lojtaret tjera. Te Vushtrria prapë në nivel dukshëm më të lartë ishte portierja Nj. Kelmendi që ka ndalur shumë gjuajtje të lojtareve të Istogut.

8 gola për Vushtrrinë i ka realizuar A. Kelmendi.

Ndeshja e dytë luhet në fundjavë në Vushtrri, ndërsa Istogu me fitore apo barazim shpallet kampion.

Nëse fiton Vushtrria, atëherë në ndeshjen e tretë prapë Istogu është vendas.

Ndeshjen e parë finale të plejofit e përcjellën në palestër rreth 500 shikues.

Istogu – Vushtrria 32:23 (12:11)

Istogu: Ujkiq 1, Kameri 8, Gashi, Shatri, Muratoviq 7, Zogaj, Rugova 5, Shehdadi, F. Rexhaj 2, Halitaj, D. Rexhaj, V. Rexhaj, Ahmetxhekaj, Ferataj 3, Krasniqi 6, Berisha.

Vushtrria: Nj. Kelmendi, B. Gubetini, Shala, Avdiu 3, Rama 3, Zymberi 3, Preniqi 1, Terstena, Paci 1, A. Kelmendi 8, Rrahmani 2, R. Gubetini, Selaci, Kasumi 2, Tahiri, Sfarqa.

© KOHA. Të gjitha të drejtat janë të rezervuara.

Komentet

Shto koment

Të ngjashme