KB Prishtina ka shënuar fitore në “Sezai Surroi” ndaj Bashkimit në ndeshjen e tretë finale të Ligës së Femrave me rezultat të ngushtë 77:79.
Me këtë fitore KB Prishtina krijon epërsi prej 2 me 1 të fitoreve, transmeton Koha.net.
Më e merituara për këtë fitore të Prishtinës ishte Braennan Farrar i cila shënoi 22 pikë, pati 6 kërcime e 4 asistime. Me lojë të mire u dalluan edhe Tykyrah Williams me 19 dhe Saranda Daci me 18 pikë.
Kurse për Bashkimin formë të lartë tregoi Danisha Shaw, që shënoi 33 pikë, pati 12 kërcime e 11 asistime.
Ndeshja kthyese do të zhvillohet në Prishtinë.
