3 perditesime
20:30

Kosova U21 në finale të IHF Trophy, një fitore larg botërorit

Kosova U21 në hendboll është kualifikuar në finale të IHF Trophy, raporton KTV.

Hendbollistët e Kosovës kanë qenë superior ndaj Paraguajit U21 në gjysmëfinale të IHF Trophy.

Kosovarët prenë biletën për në finale me fitore bindëse në Pallatin e Rinisë dhe të Sporteve në Prishtinë, duke fituar me rezultat prej 36-27.

“Jemi në finale të IHF Trophy Intercontinental. Kosova U21 ka mposhtur Paraguajin në gjysmëfinale me rezultat bindës, 36:27 dhe ka siguruar paraqitjen në finalen e madhe”, shkruan Federata e Hendbollit të Kosovës në një postim në Facebook.

Të dielën (18:00) Kosova U21 luan në finale me Taipein Kinez, që e ka mposhtur në ndeshjen e parë.

“Me fitore në finale shkojmë në botërorin e juniorëve. Spanjë, Kosova po vjen...”, shkruan FHK.

19:54

Kosova U21 thellon epërsinë ndaj Paraguajit

Kosova U21 ka rritur epërsinë ndaj Paraguajit në gjysmëfinale të IHF Trophy.

Rezultati momental është 25-17, raporton KTV.

19:36

Kosova U21 e mbyll me epërsi pjesën e parë ndaj Paraguajit

Ka përfunduar pjesa e parë e gjysmëfinales në IHF Trophy ndërmjet Kosovës U21 dhe Paraguajit në hendboll.

Në pjesën e parë kosovarët ishin më të mirë se ekipi mysafir, duke e mbyllur atë me pesë gola diferencë, raporton KTV.

Rezultati pas pjesës së parë është 19:14 në të mirë të Kosovës U21.

19:27

Kosova U21 në hendboll duke fituar ndaj Paraguajit

Kosova U21 në hendboll është duke zhvilluar një paraqitje fantastike ndaj Paraguajit në gjysmëfinale të “IHF Trophy Intercontinental”.

KTV raporton se aktualisht Kosova po udhëheq me pesë gola më tepër se Paraguaji.

Rezultati momental i kësaj gjysmëfinale është 31-24.