Trajneri portugez Jose Mourinho dëshiron të marrë drejtimin e ndonjë skuadre në verë. Ai ka treguar se ka refuzuar tashmë tri-katër oferta.
Mourinho është shkarkuar nga Manchester Unitedi në dhjetor dhe është i papunë që nga atëherë. Ai po përgatitet për një sfidë të re, përcjell Koha Ditore.
"Unë kam dëshirë të kthehem në menaxhim të një klubi në verë, në qershor. Të drejtoj një klub të ri. Unë e di saktësisht se çfarë nuk dua dhe kjo është arsyeja pse kam refuzuar tri-katër oferta të ndryshme", ka deklaruar Mourinho për "beIN Sports".
