Loriana Kuka është kualifikuar në gjysmëfinale të turneut Grand Prix të xhudos që po mbahet në Marrakech të Marokut.

Kuka, që garon në kategorinë deri 78 kilogramë, në përballjen e parë mposhti tunizianen Sarra Mzougui, ndërsa në çerekfinale mposhti austriaken Bernadette Graf, transmeton koha.net.

Në gjysmëfinale do të luftojë me gjermanen Luise Malzahn. Kuka është e vetmja nga Kosova që garon në Grand Prixun e Marrakechit.