Krunoslav Krajnoviq nuk do ta udhëheqë skuadrën e Bashkimit në ndeshjen kundër Teutës së Durrësit në kuadër të Ligës Ballkanike (BIBL) që zhvillohet të mërkurën (sot, 19:30) në Prizren.
Krajnoviq është larguar nga posti i trajnerit me marrëveshje të dyanshme të martën, ka njoftuar drejtori sportiv i Bashkimit, Artan Kurti. Dhe, pikërisht ai së bashku me dy ndihmësit e tjerë të Krajnoviqit pritet ta drejtojnë Bashkimin në ndeshjen kundër Teutës.
Arsye për ndërprerjen e bashkëpunimit është thënë të jetë atmosfera jo e mirë brenda ekipit dhe pakënaqësitë e disa lojtarëve me punën e trajnerit. Gjithashtu, si arsye janë përmendur edhe largimet e lojtarëve nga Bashkimi, siç ishte ai i Ergin Groshës.
Krajnoviq pati marrë drejtimin e Bashkimit para fillimit të këtij edicioni dhe të martën nuk ka dashur të flasë për këtë çështje.(Më gjerësisht mund të lexoni sot në Koha Ditore).
-
16 janar 2019 10:48
-
Shpërndaje në: