Jurgen Kloppi ka lavdëruar portierin Alisson Becker duke thënë se do të paguante dyfish për të sjellë brazilianin në Anfield.
Alissoni i kushtoi Liverpoolit rreth 75 milionë euro për transferim nga Roma, por deri më tani ka treguar aftësitë e tij, sidomos të martën mbrëma kur priti gjuajtjen e Arkadiusz Milikut në minutat e fundit të takimit ndaj Napolit në Ligën e Kampionëve.
“Po ta dija se sa i mirë është – do të paguaja dyfish. Çfarë ndeshje. Nuk jam i sigurt nëse do të kishte menaxher më të lumtur sesa unë”, ka thënë Klopp.
