Mesfushori kroat, Luka Modriq, është përmendur qe një kohë e gjatë se mund të kalojë tek Interi, por duket se ylli i Real Madridit ka marrë vëmendjen e një gjiganti tjetër italian.

Sipas “Don Balon”, Juventusi ka shprehur interesim për futbollistin duke dashur që ta ribashkojë me Cristiano Ronaldon në Torino.

Modriq, që ka marrë oferta të shumta nga Premier Liga dhe Amerika, është vetëm një nga yjet e Realit që lidhet me kalim te Juventusi. Pos tij flitet se edhe Marcelo është në rrugën e njëjtë, ndërsa nuk mungojnë spekulimet as për ish-trajnerin e “Mbretërve”, Zinedine Zidane.