E shndërruar tashmë në muze, Shkolla e Parë Shqipe akoma i ruan të freskëta klasat në të cilat mbanin mësim 42 nxënës nga 10 mësues.
Brenda tyre janë ekspozuar dokumente historike, libra të autorëve shqiptarë, prej të cilëve kishin mësuar nxënësit, e artefakte të ndryshme.
Bazuar në disa dokumente, Shkolla e Parë Shqipe në Kosovë u vendos të ndërtohej në Stubëll me arsyetimin se aso kohe ai regjion nuk banohej nga turqit dhe ishte jashtë interesit të Perandorisë Osmane.
Sa i bukur aq edhe antik. I tillë është fshati Stubëll i Vitisë.
Kështu përshkruhet edhe nga kryetari i fshatit që, pos tjerash, për emisionin “Sot” foli edhe për numrin e banorëve, një pjesë e të cilëve jetojnë në mërgim.
Për banorët e këtij regjioni, pjesa më madhe e të cilëve i përkasin fesë së krishterë, Kisha e Shën Jozefit paraqet monumentin më të rëndësishëm.
Edhe
“Shkolla e parë shqipe” larg restaurimit, megjithëse u alarmua që paraqet rrezik
Në oborrin e po kësaj kishe ndodhet edhe varri i pagëzuesit të Nënë Terezës, Dom Zef Ramaj.
Në hapësirat e kësaj kishe kryhen ritet fetare të banorëve të asaj ane.
Të tilla monumente me vlerë historike janë shkas për t’u vizituar një fshat si Stublla e Vitisë.
