Ecja në natyrë për një pjesë të madhe të qytetarëve ishte opsioni më i mirë për të larguar vëmendjen nga situata me pandeminë.
Aktivitete të ndryshme e tejet kreative janë bërë rutinë e gjithsecilit, një pjesë të të cilave i realizojnë pikërisht në vende të hapura.
Disa qytetarë thonë se që pas lehtësimit të masave, dalja e tyre ka qenë më e shpeshtë duke iu përmbajtur masave, meqë, sipas tyre, po u bën mirë për shëndetin mendor e fizik, transmeton KOHA.
Që nga fillimi i pandemisë, psikologët janë bërë një adresë e rëndësishme për t’u shërbyer me këshilla që do t’ua lehtësonin atyre shqetësimet.
Florina Qupevaj, psikologe në Linjën e Ndihmës Psikologjike, thekson disa prej shqetësimeve më të shpeshta me të cilat iu adresuan qytetarët.
Edhe
Vetëm 20 minuta në natyrë mund ta përmirësojnë shëndetin
Sipas saj, në mesin e këshillave të nevojshme, ishte edhe frekuentimi i natyrës, gjithnjë duke iu përmbajtur masave të rekomanduara.
Daljet e shpeshta dhe lidhja me natyrën janë nga ndikuesit e drejtpërdrejtë në shëndetin mendor dhe fizik.
