E premtja do të duhej të ishte dita e fundit e punës për tregun e festave në kryeqytet.
Por shfrytëzuesit e shtëpizave vazhduan punën me leje nga Komuna.
Ata e cilësuan lokacionin e vendosur për herë të parë si profitabil.
Në shtëpizën ku u shërbyen petulla amerikane thonë se klientët ishin të shumtë.
Por improvizimi i sheshit nuk kaloi pa telashe. Bizneset thonë se patën mungesë të energjisë elektrike.
Edhe
Mbyllja e rrugës “Xhorxh Bush”, “Trafiku urban” me vonesa
Qytetarët thonë se kaluan mirë në këto ditë feste, por që kërkuan më shumë pastërti në tregun e ardhshëm.
Me komente te shumta është përballur Komuna e Prishtinës që nga mbyllja e rrugës “Xhorxh Bush” më 26 nëntor.
Kryetari i Prishtinës, Përparim Rama, tha se nuk heq dorë nga ideja e sheshit.
“Sheshet nuk po na zënë”, deklaroi ai, derisa postoi një fotografi të sheshit të mbushur plot.
Edhe
Çeku: Projekti i Ramës për “Xhorxh Bush” s’ishte shesh, por qendër tregtare
Rama në një përgjigje për Kohën, tha se të hënën rruga hapet vetëm për autobusët, autoambulancat, policinë e shërbime komunale si pastrimi.
Ai tha se parkingut nëntokësor i lejohet vetëm hyrja nga sheshi, derisa dalja në rrugën “Eqrem Çabej”.
