10 kilometra larg qytetit të Mitrovicës, në rajonin e Shalës ka shumë monumente historike.
Përballë “Trepçës”, ndodhet Kisha e Shën Pjetrit, e cila thuhet se daton që nga shekulli i 13-të.
Pajazit Hajzeri thotë që kjo kishë është shfrytëzuar nga punëtorë të minierës afër e nga banorë të rrethinës, raporton KOHA.
Ndër monumentet e tjera është edhe Xhamia e Mazhiqit apo e “Trepçës” siç njihet në rrethinë.
Hajzeri tregon se kjo xhami daton nga fundshekulli i 15-të, dhe se u ndërtua nga pushtuesit osmanë.
Me një arkitekturë orientale, karakteristikat e këtij monumenti janë të qarta e edhe gypat prej baltës, që sipas studimeve janë vendosur për ventilim të ajrit.
Të mbrojtura me ligj, këto objekte e shumë të tjera përreth mund të jenë një pikë për zhvillimin e turizmit historik e malor në Mitrovicë po u vlerësuan edhe nga institucionet përkatëse, thotë Hajzeri.
Për dallim të xhamisë së “Trepçës”, që u ndërtua nga pushtuesit, kisha e Shën Pjetrit thuhet se u ndërtua nga vendasit për nevoja të tyre dhe atyre që vinin të punonin në minierë.
