Mbështete KOHËN. Ruaje të vërtetën
SOT

Dy të rinj të diasporës shqiptare, nesër të ftuar në “SOT”

sot

Nesër në emision do të mirëpresim dy të rinj të diasporës shqiptare, Gjovani Cinarin dhe Arjeta Zanón Ajetin, të cilët i bashkon përvoja në programin OriginAL, një iniciativë që synon rilidhjen e të rinjve të diasporës me rrënjët, kulturën dhe vendin e origjinës.

Gjovani, i lindur dhe i rritur në Mbretërinë e Bashkuar, në korrik të vitit 2025 mori vendimin të rikthehej për të jetuar në Shkodër të Shqipërisë. Sot, ai është Drejtor i Marketingut në Business Network Albania.

Ndërkaq, Arjeta, e lindur dhe e rritur në Madrid të Spanjës, me baba spanjoll dhe nënë shqiptare, është në përfundim të studimeve në fushën e marrëdhënieve ndërkombëtare, politikës dhe ekonomisë. Ajo synon të ndërtojë karrierë në diplomaci dhe të kontribuojë në afrimin e marrëdhënieve mes Spanjës, Kosovës dhe Shqipërisë.

Rrugëtimet e tyre, përvojat në diasporë, lidhja me identitetin shqiptar dhe rëndësia e rikthimit e kontributit të të rinjve në vendlindje do të jenë pjesë e bisedës nga ora 08:00.